Мемарыялізацыя месцаў былых хрысціянскіх святынь на Віцебшчыне

Abstract

У сувязі з ваяўнічым атэізмам і безбожніцтвам ў СССР праваслаўная царква перажывала цяжкія часы. Знішчаліся храмы, праводзіліся рэпрэсіі супраць святароў і вернікаў. Асабліва пацярпелі ў "цёмныя" часы храмы. На пачатку ХХ ст. у Віцебскім павеце было 55 цэркваў і капліц, а на 1991 г. у Віцебскім раёне заставаўся толькі 1 храм, і той у закінутым стане. Важным сродкам аднаўлення традыцый праваслаўнай царквы і мемарыялізацыі памяці пра знішчаныя храмы з'яўляецца адзначэнне месцаў былых святынь мемарыяльнымі крыжамі. Правільна было б таксама ўстанаўліваць побач інформацыйна-мемарыяльныя шыльды. На жаль, у Віцебскім раёне ўвекавечана памяць толькі пра 10% былых храмаў і капліц. Мэта артыкула - вызначыць колькасць храмаў і дакладныя месцы, дзе яны знаходзіліся. У выніку аналізу крыніц, палявых экспедыцый па раёне было выяўлена, удакладнена амаль 20 месцаў былых храмаў. Працягваецца работа па ўдакладненню месцаў цэркваў, капліц, паклонных крыжоў, святых крыніц.