Дзейнасць дзяржаўных органаў і грамадскіх арганізацый савецкай Беларусі па аказанні дапамогі галадаючаму насельніцтву Паволжа (1921-1923 гг.)

Abstract

Мэта даследавання: вызначэнне асноўных напрамкаў і вынікаў дзейнасці дзяржаўных органаў і грамадскіх арганізацый савецкай Беларусі па аказанні дапамогі пацярпелым ад голаду ў Паволжы (1921-1923 гг.). Аб’ектам даследавання з’яўляецца барацьба з голадам і яго наступствамі ў Паволжы ў 1921-1923 гг. Прадмет даследавання - дзейнасць дзяржаўных органаў і грамадскіх арганізацый савецкай Беларусі па аказанні дапамогі галадаючым Паволжа ў 1921-1923 гг. Матэрыялам даследавання паслужылі дакументы і матэрыялы нацыянальнага, абласных і занальных архіваў Рэспублікі Беларусь. Метады даследавання: агульнанавуковыя: аналіз і сінтэз, індукцыя і дэдукцыя, параўнанне, мадэліраванне, абагульненне; спецыяльныя: гісторыка-генетычны, гісторыка- параўнальны, гісторыка-сінтэзны, параўнальна-храналагічны, метад вымярэння якасных прыкмет. Навуковыя вынікі працы, могуць быць выкарыстаны дзяржаўнымі органамі Беларусі, якія ў сваёй дзейнасці могуць выкарыстоўваць пазітыўны гістарычны вопыт свайго ведамства. Факталагічны матэрыял, які ўтрымліваецца ў працы, можа спатрэбіцца работнікам галіне культуры (экскурсаводам, музейным супрацоўнікам). Ён можа выкарыстоўвацца пры падрыхтоўцы турыстычных маршрутаў па тэрыторыі Беларусі і стварэнні музейных экспазіцый. Атрыманыя вынікі ўяўляюць цікавасць для супрацоўнікаў педагагічнай сферы. Даследаванне можа легчы ў аснову спецкурса, выкарыстоўвацца пры падрыхтоўцы лекцый, практычных заняткаў па шэрагу гуманітарных дысцыплін, дзе разглядаюцца пытанні ўзаемадзеяння дзяржавы і грамадства ў надзвычайных сітуацыях. Пры арганізацыі мерапрыемстваў, мэтай якіх з’яўляецца выхаванне спачування і міласэрнасці, культуры міжнародных адносін. Такія распрацоўкі будуць карыснымі для выкладчыкаў ВНУ, супрацоўнікаў ліцэяў, каледжаў, школ.