Навукова-педагагічныя школы ВДУ імя П.М. Машэрава : «Мастацкае народазнаўства»

Abstract

Навукова-дапаможны бібліяграфічны паказальнік прысвечаны дзейнасці навукова-педагагічнай школы «Мастацкае народазнаўства» Віцебскага дзяржаўнага ўніверсітэта імя П.М. Машэрава, якая функцыянуе пад кіраўніцтвам доктара філалагічных навук, прафесара Ванды Юльянаўны Бароўкі. Выданне змяшчае звесткі пра гісторыю станаўлення і развіцця навуковай школы, асноўныя напрамкі даследаванняў, сярод якіх – літаратура і нацыянальная рэчаіснасць, канстанталогія, імагалогія, геапаэтыка, аксіясфера літаратуры. Прадстаўлены склад навуковага калектыву, які аб'ядноўвае даследчыкаў, што працуюць над праблемамі мастацкага асэнсавання этнакультурнай і гістарычнай рэчаіснасці ў беларускай літаратуры. Асноўную частку выдання складае храналагічны паказальнік навуковых публікацый па напрамках дзейнасці школы за перыяд з 1989 па 2022 год. Уключаны манаграфіі, артыкулы ў навуковых часопісах, зборніках матэрыялаў канферэнцый, вучэбныя і вучэбна-метадычныя выданні, дысертацыйныя даследаванні. Бібліяграфія адлюстроўвае шырокі спектр навуковых інтарэсаў прадстаўнікоў школы: ад тэарэтычных праблем мастацкага народазнаўства да аналізу творчасці беларускіх пісьменнікаў, літаратурнай спадчыны Віцебшчыны, тыпалогіі і паэтыкі рамана, мастацкай інтэрпрэтацыі гістарычнага мінулага, рэцэпцыі асобы і творчасці дзеячаў культуры. Паказальнік забяспечаны даведачным апаратам – імяннымі паказальнікамі (на беларускай, рускай і замежных мовах) і паказальнікам загалоўкаў прац, што забяспечвае зручнасць пошуку неабходнай інфармацыі. Адрасаваны навуковым супрацоўнікам, выкладчыкам, аспірантам, магістрантам, студэнтам, а таксама ўсім, хто цікавіцца гісторыяй і сучасным станам вышэйшай адукацыі, развіццём літаратуразнаўчай навукі і арганізацыяй работы навуковых школ у Віцебску.