Традыцыі і навацыі ў развіцці мовы і культуры Беларускага Паазер'я

Abstract

Мэта даследавання – устанавіць асаблівасці праяўлення і ўзаемадзеяння моўных і культурных традыцый і навацый ў розных тыпах дыскурсу ў Беларускім Паазер’і. У выніку даследавання вызначаны асаблівасці карэляцыі традыцый і навацый у працэсе канструявання моўнай і культурай рэальнасці ў Беларускім Паазер’і; спосабы і заканамернасці моўнай рэпрэзентацыі гендарных стэрэатыпаў у розных тыпах дыскурсу; моўныя сродкі рэалізацыі прагматычных катэгорый у мастацкім, мас-медыйным, дзелавым дыскурсах, у сферы намінацыі; своеасаблівасць лінгвістычнага і культурнага партрэта рэгіёна; спецыфіка моўнай рэпрэзентацыі каштоўнасных і культурных прыярытэтаў жыхароў Беларускага Паазер’я ў розных тыпах дыскурсу, сістэма рэгіянальнай аніміі. Вынікі даследавання могуць быць выкарыстаны пры планаванні і рэалізацыі нацыянальна-моўнай палітыкі ў Рэспубліцы Беларусь, у краязнаўчай працы, ва ўніверсітэцкім і школьным выкладанні, грамадзянскім, патрыятычным выхаванні маладога пакалення, пашырэнні навуковага кругагляду і духоўнага патэнцыялу сучаснага студэнцтва.