Іменаслоў гістарычнай драмы Зінаіды Дудзюк "Скарына з Полацка"

Abstract

Мэта артыкула - сістэматызацыя структуры анамастычнай прасторы гістарычнай драмы берасцейскага аўтара Зінаіды Дудзюк з улікам гістарычных традыцый беларускага іменаслову; устанаўленне характару экстралінгвістычных прымет, што знайшлі адлюстраванне ў анамастыконе мастацкага твора. У працы прадстаўлена тэматычная класіфікацыя паэтонімаў. Антрапонімы разгледжаны як значымыя інфарматыўныя адзінкі, у семантычную структуру якіх уключаюцца прагматычны складнік, стылістычныя, эмацыйныя, ацэначныя, экспрэсіўныя, сацыяльныя адценні значэння, асацыяцыі і іншая інфармацыя экстралінгвістычнага характару, што праяўляецца на ўзроўні антрапанімічнай канатацыі. Разгледжана прадстаўленае ў творы хрысціянскае ўспрыманне імені як асаблівай духоўнай субстанцыі, што фарміруе асобу чалавека і прадвызначае яго жыццёвы шлях ("По имени и житие"). Выяўлены вобразныя кампаненты, якія ляжаць у аснове прозвішчаў-паэтонімаў, і ўстаноўлены экстралінгвістычныя прыкметы, якія знайшлі адлюстраванне ў антрапаніміконе мастацкіх твораў. Даследавана нацыянальна-культурная спецыфіка тапонімаў, тэонімаў, агіёнімаў і інш. разрадаў "перыферыйных" онімаў.