Рэсурсны цэнтр "Дакраніся да вытокаў сваёй спадчыны"

Abstract

Падмуркам для стварэння рэсурснага цэнтра з прыгожай назвай “Дакраніся да вытокаў сваёй спадчыны” ў дзяржаўнай установе адукацыі “Сярэдняя школа № 15 г. Барані” стала наяўнасць у ёй узорнага фальклорнага калектыву “Сявенька”, які вядомы як у горадзе, раёне, так і ў вобласці тым, што займаецца пастаноўкай абрадаў менавіта на матэрыяле Аршанскага рэгіёна. Тут трэба адзначыць, што гэты матэрыял збіраецца, вывучаецца, пераасэнсоўваецца і перадаецца кожнаму наступнаму пакаленню вучняў праз перайманне, з абавязковым улікам асаблівасцей выканання адзначанай мясцовасці. Акрамя гэтага ў школе назапашана значная колькасць вырабаў дэкаратыўна- прыкладнога мастацтва ў розных тэхніках. Вучнямі школы сумесна з настаўнікамі выраблены два мясцовыя касцюмы мінуўшчыны. Кожны касцюм складаюць кашуля, спадніца, фартух. Тканіну на фартухі падаравала ў адной з вандровак з асабістага куфара носьбітка фальклору. Звесткі аб тым, як яны выглядалі, былі ўзяты ў музеіі “Млын” г. Оршы. Тэарытычны матэрыял аб кожнай з гэтых тэхнік сабраны і сістэматызаваны ў метадычны папкі. А таксама сабрана калекцыя прадметаў быту насельніцтва Аршанскага рэгіёна канца 19 – пачатку 20 стагоддзя.