Праблема аховы прыроды і рацыянальнага прыродакарыстання ў працы Трэцяй сесіі Вярхоўнага савета СССР XI склікання (2-3 ліпеня 1985 г.)

Abstract

Вынікі працы трэцяй сесіі Вярхоўнага Савета СССР XI склікання сталі стартавай пляцоўкай па трансфармацыі савецкай экалагічнай палітыкі ў межах гарбачоўскай перабудовы. У будучыні гэтыя рашэнні атрымалі далейшае развіццё ў рамках XXVII і XXVIII з’ездаў КПСС, XIX Усесаюзнай канферэнцыі КПСС, XXX і XXXI з’ездаў КПБ, а таксама саюзных і рэспубліканскіх органаў улады. Гэта датычылася рэфармавання экалагічнага заканадаўства і эканамічнага механізму прыродакарыстання, што павінна было выразіцца ў дэцэнтралізацыі саюзнага кіравання, перадачы паўнамоцтваў па лакальным распараджэнні прыроднымі рэсурсамі саюзным рэспублікам і Саветам усіх узроўняў, пераходзе ад фактычна ведамаснага валодання прыроднымі рэсурсамі да агульнанароднага ў асобе мясцовых органаў улады, якія павінны былі несці поўную адказнасць за стан экасістэмы.